തിരശ്ശീല കണക്കിനേ
മഴമേഘം മറയ്ക്കുന്നൂ
നീലാകാശപ്പരപ്പിനെ
തുടുത്ത വിരലാല് കാറില്
കസവിന്കര ചേര്ത്തിതാ
കാണുകൊ,ന്നിമവെട്ടാതെ-
തിരനോക്കുന്നു ഭാസ്കരന്
വന്നുനില്പ്പൂ മഹാമേഘം
പ്രകാശമകുടോജ്ജ്വലന്
ചെന്പിച്ച മുടിയും പാറി,
തുടങ്ങീ ഗ്രീഷ്മമര്ദ്ദനം!
മേഘകന്യകള് മീട്ടുന്നൂ
സഹസ്രജലതന്ത്രികള്
സുധാവര്ഷിണി രാഗത്തില് ;
തുടങ്ങീ വര്ഷഗീതികള്
വരവായ് ജലസംഗീത-
സ്നിഗ്ദ്ധമേനികളാര്ന്നവര് ,
രാത്രികള് ; മിന്നലിന് കാഞ്ചീ-
നൂപുരങ്ങളണിഞ്ഞവര്
തുളുന്പിപ്പോയ്! തടംതല്ലാന് ,
കുതിക്കാന് പുഴതന് മനം
വരവായ് മമഹര്ഷത്തിന്
ദിനരാത്രികള്, ധാത്രികള്
കാത്തിരിപ്പൂ പടിഞ്ഞാറിന്വക്കത്തെന് പ്രിയഭാജനം
പോകയായ് വിരഹത്തീയില്
കുളിരായുയിരാകുവാന്
.......................................
പച്ചപ്പിന് നാന്പു വാടോത്തോ -
രുള്ളിന്നുമുള്ളമുള്ളവര്
അവര്ക്കു കാണുവാനാണീ-
യാഷാഡക്കളി, കൂട്ടരെ!
MASHE.............
ReplyDeleteITHELLAAM GAMBHIRA CHITHRA VAZHIKAL THANNE.........