അഫ് സലക്കോട്ടയുടെ മുകളില്‍നിന്ന് പീരങ്കിത്തുളയിലൂടെ ഒരു ഒമാനി നാട്ടിന്‍പുറം.മുള്‍ച്ചെടികളും കടിച്ചുവലിച്ചുകൊണ്ട് ഉച്ചവെയിലില്‍ ഒരാട്ടിന്‍കൂട്ടം. കണ്ടാല്‍ ചെമ്മരിയാടുകളുടെ ഛായയുണ്ട്.
കോട്ടയില്‍നിന്നുള്ള മടക്കം. പ്രകൃതിക്ക് ഡക്കാന്‍പ്രദേശങ്ങളുമായി സാമ്യതതോന്നുന്നു. ഇലകുറഞ്ഞ കുറ്റിച്ചെടികളും ചിതറിക്കിടക്കുന്ന പാറക്കല്ലുകളും ഇപ്പോള്‍ ഉരുണ്ടുവീഴുമെന്നു തോന്നിപ്പിക്കുന്ന പാറക്കെട്ടുകളുമെല്ലാംചേര്‍ന്ന ഭൂപ്രകൃതി. ഉറപ്പുകുറഞ്ഞ കുന്നുകളാണ്.
നേരം അഞ്ചുമണി കഴിഞ്ഞു. അകലെ കുന്നിന്‍ചെരുവില്‍ ഒരു മഴയുടെ തിരനോട്ടം. ഗള്‍ഫിലെ ഒരു നല്ല മഴക്കാഴ്ച കിട്ടുമെന്നു പ്രതീക്ഷിച്ചു. എന്നാല്‍ ചാറ്റല്‍മഴയിലൊതുങ്ങി, കാര്യം. എങ്കിലും നല്ല തണുപ്പ്. നവംബറല്ലേ?
കാറിന്‍റെ ചില്ലില്‍ക്കൂടെ ഒരു മഴക്കാഴ്ച.
കസ്ഫയിലെ ചുടുനീരുറവയിലേക്കുള്ള വഴി. രാത്രിയായതുകൊണ്ട് ഫോട്ടോ കിട്ടിയില്ല. ഒരു ചെറിയ കുളം. അതില്‍നിന്ന് രണ്ടു ചാലുകളിലൂടെ ചൂടുവെള്ളം പുറത്തേക്കൊഴുകുന്നു. അത്യാവശ്യം ചൂടുണ്ട്. ഇവിടെ കുളിക്കാനും സംവിധാനമുണ്ടെന്നു തോന്നുന്നു.
രാത്രിവെളിച്ചത്തില്‍ ഉറവയുടെ ഫോട്ടോ കിട്ടില്ല. അതിന്‍റെ പഴയസ്വരൂപം ടൂറിസംവകുപ്പുകാരുടെ ബോര്‍ഡില്‍നിന്നു കിട്ടി. അതിങ്ങനെയാണ്.
No comments:
Post a Comment